ousay

R

R

emembered

COURT BOOK OF ORKNEY

AND SHETLAND - 1613

Vigesimo primo Januarii 1613

Tailyeour contra Flawis

 

The quhilk day George Traill in Westnes becam cautioner and souertie for Thomas Flawis in Wosbuster that he shall not molest nor trubbill James Tailyeour thair nor na utheris his majesteis lieges nor subjectis within the cuntrey of Orknay, bot that he sall observe and keip his majesteis peace with all and everie ane of thame under the pain of  1 li.; and the said Thomas actit him to warrand and releive his said cautioner of the premissis.

Flawis contra Tailyeour

 

The quhilk day Edward Alschunder in Rowsay becom cautioner and souertie for James Tailyeour in Wosbuster that he sall not molest nor trubbill Thomas Flawis thair nor na utheris his majesteis lieges within the cuntrey of Orknay, bot that he sall observe and keip his majesteis peace with all and everie ane of thame under the pain of  1 li.; and the said James actit him for releif of his said cautioner.

 

Edward Garsetter contra Henrie Alschunder

 

The quhilk day Henrie Alschunder in Langskaill in Rowsay, being accused for the hurting and wounding of Edward Garsetter in Sorwick upone the face with a wand upone the        day of Junii last wes, to the effusioun of his bluid, quha being personallie present denyet; thairfoir the judge referrit the mater to the knawledge of ane assyse of the persones following, viz –

 

Assissa

 

William Irowing of Sabay, chancelar

William Sinclair of Grenwall

Edward Sinclair of Esinquoy

William Irowing, baillie of Schapinschay

William Beg in Horraldsgarth

Nicoll Sinclair in Kirkwall

Magnus Hardie thair

Thomas Louttit in St Olais parochin

Harie Spence in Skapa

William Chalmer in Kirkwall

William Brown in Orphair

Johne Gareoch in Paplay

William Corrigill in Harray

Walter Lachtane in Holme

Robert Cragie in Bruch in Sandwick

 

Quhilkis persones being chosen, suorne and admittit, past altogidder furt of court, ryplie advysit inenterit agane, fand and delyverit the said Henrie to have strukin the said Edward a blae straik on the face with a wand and nocht to have bled him, remitting the ryot to the judge, absolvis the said Henrie of the bluid and condemns him in an unlaw for the ryott; quhilk determinatioun the judge acceptit and decernit him in the sowme of  X li. money for the said ryot, quhilk the dempster gave for dome.

 

 

 

Wand – fishing rod

Dempster – court official who formally pronounced the sentence

Dome – judgement

Vigesimo primo – Twenty-first

[Extracts concerning Rousay]